English Version

பீல் ஆதிவாசி விசுவாசிகளுக்கு வேதாகமத் திட்டம்

நம் ஷாலோம் இயக்கத்தின் மூலமாக தேவன் பீல் ஆதிவாசி மக்களை இரட்சித்து அனுதினமும் சபையில் சேர்த்தது வருகிறார்.  இவர்கள் தங்களின் பாவ வாழ்க்கையை விட்டு மனம் திரும்பி தேவனுக்காக வைராக்கியமாக வாழ்ந்து வருகிறார்கள்.  இப்போது இந்த மக்கள் எழுதவும் படிக்கவும் செய்கிறார்கள்.  இந்த மக்களின் ஆவிக்குரிய வாழ்க்கையின் வளர்ச்சிக்காக குஜராத்தி, ஹிந்தி வேதாகமங்கள் வாங்கிக் கொடுக்கவேண்டியது நமது கடமையாகும்.

கடந்த 2008 மற்றும் 2009-ம் ஆண்டுகளில் இந்திய வேதாகமச் சங்கம் குஜராத் அகமதாபாத் கிளை மூலமாக சுமார் 12 ஆயிரம் வேதப்புத்தகங்கள் வாங்கி நமது பீல் ஆதிவாசி விசுவாசிகளுக்குக் கொடுக்க தேவன் கிருபை செய்துள்ளார்.  குஜராத் மாநிலத்தில் அதிக வேதப்புத்தகங்கள் விநியோகம் செய்தமைக்காக ஷாலோம் ஊழியத்திற்கு இந்திய வேதாகமச் சங்கம் “SPECIAL DISTRIBUTION AWARD”  கொடுத்து கௌரவப்படுத்தியுள்ளது.  அதற்காக தேவனைத் துதிக்கிறோம்...

உங்களில் பலர் பீல் ஆதிவாசி விசுவாசிகளுக்கு வேதாகமம் வாங்கிக் கொடுக்கும்படியாக உதாரத்துவமான காணிக்கை அளித்துள்ளீர்கள்.  இதற்காக மனமார்ந்த நன்றியைத் தெரிவித்துக் கொள்கிறோம்.  தேவன்தாமே உங்களையும் உங்கள் குடும்பத்தையும் ஆசீர்வதிப்பாராக!

ஒவ்வொரு ஆண்டும் 8000 (ஹிந்தி &  குஜராத்தி) வேதாகமங்கள் தேவைப்படுகிறது. ஆகவே இந்தத் திட்டத்திற்காக  (8000 x ரூ.80) ரூ.6.4 இலட்சங்கள் தேவைப்படுகிறது.  இந்த நிதித் தேவை சந்திக்கப்படும்படியாக பாரத்துடன் ஜெபியுங்கள்.  மேலும் கர்த்தர் உங்கள் உள்ளத்தில் ஏவுவாராகில் உங்களால் முடிந்த வேதாகமங்களை வாங்கிக் கொடுக்கலாம்.  உங்கள் நண்பர்களையும், உறவினர்களையும் வாங்கிக் கொடுக்கச் சொல்லலாம்.  அதற்கான காணிக்கையை SHARING  LOVE  MISSION  என்ற பெயரில் D.D. M.O. அல்லது Cheque  மூலமாகவோ தூத்துக்குடி தலைமை அலுவலகத்திற்கு அனுப்பி இந்த தேவதிட்டத்தை நிறைவேற்றலாம்.  கர்த்தர்தாமே உங்களையும் உங்கள் குடும்பத்தையும் ஆசீர்வதிப்பாராக!

“நீங்கள் போய்க் கொழுமையானதைப் புசித்து, மதுரமானதைக் குடித்து, ஒன்றுமில்லாதவர்களுக்குப் பங்குகளை அனுப்புங்கள்;.....கர்த்தருக்குள்   மகிழ்ச்சியாயிருப்பதே உங்களுடைய பெலன்”. நெகேமியா 8 : 10

Top^